आमच्या मॉडर्न एज्युकेशन सोसायटी पुणे ०१ , नौरोसजी वाडिया महाविद्यालयामध्ये मराठी हा विषय महाविद्यालय स्थापन झाल्यापासून शिकवला जात आहे.सुरुवातीला प्रसिद्ध कवी व.भा पाठक हे मराठी विभागप्रमुख म्हणून कार्यरत होते ,त्यानंतर डॉ.म. वी .गोखले , प्रा .डॉ. जयवंत अहिवळे हे मराठी विभाग प्रमुख म्हणून कार्यरत होते. तसेच सध्या विभागामध्ये प्राध्यापक म्हणून डॉ.उमा उत्तम काळे,डॉ. समिंदर घोक्षे, प्रा.संजय भांगरे,प्रा. स्मिता गाढावे हे सर्व सहाय्यक अधिव्याख्याता पदावर कार्यरत आहेत.महाविद्यालयामध्ये अनेक मान्यवर चर्चासत्र व सेमिनार च्या माध्यमातून आले आहेत . त्यामध्ये व.पु. काळे ,शांता शेळके,रावसाहेब कसबे , उत्तम कांबळे ,उत्तम बंडू तुपे ,रामनाथ चव्हाण,डॉरविंद्र ठाकूर , डॉ. द. भि. कुलकर्णी,डॉ.श्रीपाल सबनीस,डॉ.मनोहर जाधव,डॉ.अविनाश सांगोलेकर , डॉ.प्रभाकर देसाई ,डॉ.तुकाराम रोंगटे,डॉ.राजाभाऊ भैलुमे,कवि गणेश काळघुगे, डॉ,गुंफा कोकाटे,हरी नरके,लक्ष्मीकांत देशमुख,कवयित्री सुवर्णा पवार,डॉ. संजय नगरकर, आदी मान्यवर आले आहेत. दिवसेंदिवस मराठी विषय घेणाऱ्या विद्यार्थ्यांची संख्या वाढत आहे. आमच्याकडे एफ. वाय.बी. ए. या वर्गाच्या पाच तुकड्या आहेत. प्रथम वर्ष कला शाखेत मराठी हा विषय घेणारे २५० ते ३०० विद्यार्थी दरवर्षी असतात.

महाविद्यालायाच्या ग्रंथालयात १९०३ पासूनची पुस्तके आहेत. त्यामध्ये मराठी बरोबर उर्दू, पर्शियन, अरेबिक, संस्कृत भाषेचे शब्दकोश आहेत. संस्कृतीकोश आहेत. पुण्यातच नाही तर महाराष्ट्रात संशोधनाच्या क्षेत्रात वाडिया महाविद्यालयाच्या मराठी विभागाचे ग्रंथालय परिपूर्ण म्हणून ओळखले जाते.शिवाय विभागाचे स्वतंत्र ग्रंथालय आहे.

महाविद्यालयाच्या मराठी विभागात अत्यंत उत्स्फूर्त व संशोधन क्षेत्रात प्राविण्य मिळविलेला प्राध्यापक वर्ग आहे. मराठी वाङ्मय मंडळ सतत कार्यक्षम असते. विविध स्पर्धांचे वर्षभर आयोजन केले जाते. शैक्षणिक सहलींचे आयोजन केले जाते. मराठी या विषयाचा व्यासंग वाढावा म्हणून विभागाच्या ग्रंथालयामध्ये अनेक वाचनीय ग्रंथांचा समावेश केला आहे. विद्यार्थी उत्स्फूर्तपणे या ग्रंथांचे वाचन करतात व पुस्तक चर्चा घडवून आणल्या जातात.

सध्या महाविद्यालयात मराठी हा विषय प्रमुख विषय (स्पेशल मराठी) म्हणून शिकवला जातो. स्पेशल मराठी विषय घेणाऱ्या विद्यार्थ्यांसाठी बी.ए. (मराठी) नंतर महाविद्यालयातच एम.ए. करता यावे म्हणून आम्हाला आमच्या महाविद्यालयात एम. ए. मराठीचे वर्ग पुढील वर्षापासून सुरु करावयाचे आहेत. दरवर्षी बी. ए. फस्ट क्लास, डिस्टिंगशन ,ने पास होतात. ते विद्यार्थी एम.ए. मराठी आमच्याच महाविद्यालयात ते करू इच्छितात.परंतु जड अंत: करणाने त्यांना दुस-या महाविद्यालयात प्रवेश घ्यावा लागतो.त्यांची आमच्याच महाविद्यालयात सोय व्हावी हि अपेक्षा आहे. मराठी या आमच्या उपक्रमाला आमच्या महाविद्यालयाचे, आणि मॉडर्न एज्युकेशन सोसायटीचे पूर्ण सहकार्य मिळत आहे.

मराठी विभागाच्या वतीने कनिष्ठ विभागामध्ये आकरावी व बारावी हे वर्गचालविले जातात. या विभागाची संपूर्ण जबाबदारी प्रा. संजय भांगरे व स्मिता गाढवे हे सांभाळतात.प्रथम वर्ष कला द्वितीय वर्ष कला, तृतीय वर्ष कला, द्वितीय वर्ष विज्ञान, हे पदवी वर्गाचे अभ्यासक्रम राबविण्यात येत आहेत.या अभ्यासक्रम सोबतच एक्स्ट्रा क्रेडिट कोर्स चे Modern Indian Languages, व कार्यक्रम संयोजन कौशल्य,हे देखील राबविण्यात येतात.